ਢਲ਼ਦੀਆਂ ਸ਼ਾਮਾਂ ਸੀ ਤੇ ਹਜ਼ੂਰ ਚੇਤੇ ਆ ਗਿਆ
ਸ਼ਰਬਤੀ ਨੈਣਾਂ 'ਚੋਂ ਵਰ੍ਹਦਾ ਨੂਰ ਚੇਤੇ ਆ ਗਿਆ

ਗਲ਼ ਲੱਗ ਰਿਹਾ ਸੀ ਸ਼ਾਮ ਦੇ ਰਾਤ ਦਾ ਅੱਲ੍ਹੜਪੁਣਾ
ਸੰਗੀਨ ਸਾਨੂੰ ਇਸ਼ਕ ਦਾ ਕਸੂਰ ਚੇਤੇ ਆ ਗਿਆ

ਇਹ ਕੌਣ ਦਰਿਆਉਂ ਪਰ੍ਹੇ ਹੂਕਦਾ ਹੈ ਵੰਝਲੀ
ਨੁੰਹਾਂ ਤੋਂ ਸਾਨੂੰ ਮਾਸ ਹੁੰਦਾ ਦੂਰ ਚੇਤੇ ਆ ਗਿਆ

ਰੋਕ ਨਾ ਸਕੀਆਂ ਦਿੱਤੀਆਂ ਕਸਮਾਂ ਉਹਨੂੰ ਜਾਣ ਤੋਂ
ਨਾ ਤੋੜ ਜਿਹਦਾ ਲੱਭਣਾ ਨਸੂਰ ਚੇਤੇ ਆ ਗਿਆ

ਅੱਜ ਸੁਰਖ਼ ਸੂਰਜ ਡੁੱਬਿਆ ਜਦ ਮੇਰੇ ਨੈਣਾਂ ਸ੍ਹਾਮਣੇ
ਖੌ਼ਰੇ ਮੈਨੂੰ ਕਿਸ ਲਈ ਮਨਸੂਰ ਚੇਤੇ ਆ ਗਿਆ
****

(23 ਅਪਰੈਲ 2008) ਚਾਤ੍ਰਿਕ ਯੂਨੀਕੋਡ)