मन दी आपणी ही धरती है ते आपणा ही अंबर। इन्हां उत्ते जिना कुझ वापरदा
है उह धुर तक जाणिआ नहीं जा सकदा। मन ’च उड उड रेत दे ढेर लग जाण ते
मत्थे ’च धूड़ उडदी रहे तां अखां नूं राह लभणा ही आसान नहीं रहिँदा। इह
सथिती जे सथाई तौर ’ते घर कर लवे तां
जिन्दगी आसानी नाल नहीं कटी जा
सकदी अते जि़दगी दे अँबर ’ते पैण वालीआं सतरँगीआं पीँघां दा किआस तक
नहीं कीता जा सकदा। ज़ाबते ते प्रेम दी किणमिण बिनां रेत ते धूड़ काबू
नहीं हो सकदे ।
जे धरती ’ते किणमिण ना होवे तां बहुत कुज्झ तबाह हो जांदै। किणमिण ऐसा
जादू बिखेरदी है कि आला-दुआला हरिआ भरिआ हो जांदै। किणमिण उह राग है
जिस दा अलाप सदा हुन्दा रहे तां सजीवता वी बणी रहिन्दी है अते अजीबता वी।
किणमिण दा कोई बदल नहीं। मन ’ते हुन्दी किणमिण दुनिआवी राहां नूँ वी
सुखैन करदी है अते रूहानी पगडन्डीआं नूँ वी, जिन्हां दे सफर ’ते पिआ
मनुख्ख आपणी चाहत दीआं मँजि़लां आराम नाल तैअ कर सकदा। जिहड़े मत्थे ’ते
किणमिण हुन्दी रहे उह कदे नहीं तपदा। मारूथल नहीं बणदा। रेत पैदा नहीं
हुन्दी। कदे रेत वांग नहीं किरदा। किणमिण विचारां दी, काविकता दी,
बौधिकता दी अते रँगां दी। किणमिण किणमिण करदे पल जदों गुज़रदे हन तां
फुहार दा आनन्द उही माण सकदा है जिहड़ा इस अनुभव चों लँघ रिहा होवे।
किणमिण अनुभव दी होवे जां बिबेक दी। विशवास दी होवे जां इकागरता दी।
उजाले दी होवे जां मुहब्बत दी- अन्दरों अंदर जनम धार लैंदी है सिरजणा ते
कुझ इस तरर्हां दे अहिसास बोलदे :
डुबदे सूरज चड़्हदे सूरज
किरनां दीआं किआ बातां
किणमिण होवे मत्थे अंदर
रूह अंदर बरसातां।
किणमिण ’च सहिज हुँदा है ते सुहज वी। धूम धड़क्का नहीं हुँदा। पल स़ूकदे
नहीं। किरिआ बणी रहिँदी है ते इकसुरता वी। कुज्झ वी गड़बड़ नहीं हुँदा।
बेचैनी नहीं हुँदी। किणमिण ऐसा माहौल सिरजदी है कि मत्थे दा अंदर वी
हैरान रहि जांदै। विशाल हुँदा हुँदा सतरँगीआं पींघां पईआं देखदा।
तारिआं दी लोअ उडीकण लग्गदा। धरती ते अँबर विचकार किरनां दी रोशनी हो
जावेगी। इक ऐसा माहौल बण जावेगा जित्थे मथ्थे दी किणमिण ’ते रूह दीआं
बरसातां विच सदा-बहार सन्वाद आपणे आप होण लग्ग पवेगा।
मथ्थे दी किणमिण ’चों निकलदा है विदवान, बुधीमान अते चिन्तक। इस विचों
निकलदा है सोचवान, विचारवान अते चिन्तावान। इह सारे उह हन जिहड़े दुनीआं
दा, इस दे झमेलिआं दा, इस दे मुद्धिआं ते मसलिआं दा, इस दे कठन पलां ते
दरदां दा फिकर करनों रहि नहीं सकदे। इह नवें विचार दिँदे होए निवेकले
राह सिरजदे हन, जिन्हां उत्ते सुखैन हो के तुरिआ जा सकदै। अजिही रहिबरी
करदे ने जिहड़ी होर कोई नहीं कर सकदा।
मथ्थे अँदर किणमिण दी गल करदिआं जद रूह ’च हुँदी बरसात दी गल छिड़दी है
तां होर रँग उभरदे हन ते होर परतां खुल्लदीआं हन। कविता, सँगीत ते रँगां
दे बूहे आप-मुहारे ऐसे खुल्लदे हन कि बँद होण दा नां नहीं लैंदे। असलीअत
ते कलपनां दीआं सांझीआं उडाणां ’च ऐसे तारे तोड़े जांदे हन जिहड़े कदे
सोचे वी नहीं हुँदे। शिअरां दे तारे, सुरां दे तारे ते रँगां नाल भरे
तारे अते घुँगरूआं दे छणकाटे भरे तारे। अजिहा कोमल रस-भरिआ अते
रँगा-रँग माहौल कि माणिआं ही पता लग्गे। काविकता दी ऐसी किणमिण कि सारे
आले-दुआले ’च रँग घुळे लगदे। सुरां दा अलाप हो रिहा लगदा।
मथ्थे अँदरली किणमिण ते रूह दी बरसात जद इकमिक हो जांदी है उदों किसे
वडी कविता जां किरत दा जनम होणा सम्भव हुँदै।
17 जून 2008
