बहुत वार उच्चे आवाज़िआं 'च किहा जा रिहा है 'तिन्न सौ साल गुरू दे नाल', पर की इस नूं सही ठहिराइआ जा सकदा है? गुरू नूं मन्नण वाले, गुरू दी आगिआ दा पालण करन वाले इस नूं गलत मन्नण लई कतई तिआर नहीं हो सकदे। जिहड़े गुरू नूं तां मन्नदे हन, पर गुरू दी इक वी मन्नण लई तिआर नहीं, उन्हां बारे की किहा जावे, ते की ना किहा जावे? इह प्रशन देर तों धुख रिहा है अते उदों तक्क धुखदा रहेगा, जदों तक्क इस दा जवाब नहीं मिल जांदा।

आपणा पल्ला चुक्किआं आपणा ही पेट नंगा हुंदा है, पर सच्चाई नूं प्रगट करन लई पल्ला चुक्के बिना नहीं सरना। गुरू ने गुरबाणी विच जिन्हां गल्लां दी डंके दी चोट 'ते विरोधता कीती है, गुरू दे पिआरे अजे तक्क उन्हां नूं छड्डण लई तिआर नहीं होए। फेर वी उह दिखावे-मातर, मुफतो-मुफती गुरू दे सिक्ख बणी बैठे हन, जदों कि अमली तौर 'ते सिक्ख दी परिभाशा 'ते कतइ्इी पूरे नहीं उतरदे। सिक्ख दी गल्ल छेड़ी तां मसला होर वी उरे ही रुक के रहि जावेगा।

गुरू दी गल्ल 'इक रब्ब' तों शुरू हुंदी है, पर शाइद कोई ही अजिहा सिक्ख होवेगा जो 'इक रब्ब' तों बिना होर किसे शकती नूं नहीं मन्नदा। इह वी कि दूजिआं वांग सिक्ख वी होर कई देवी-देवतिआं मगर दौड़ी फिरदा है, किउंकि इक 'ते नहीं टिक सकिआ। गुरबाणी दा बहुता ज़ोर ही इस गल्ल 'ते है कि इक तों बिना दूजा है ही कोई नहीं। इक तों बिना किसे दूजे नूं धिआउण दी गल्ल ही नहीं, पर किसे वी धारमिक सथान 'ते जाउ, उत्थे सिक्ख गैर-हाज़र नहीं मिलेगा। कारन इह ही समझिआ जा सकदा है कि उस दा मन इक 'ते नहीं टिक सकिआ। जात-पात दा मसला लउ तां होर गल्लां दे नाल ही सिक्ख धारमिक जथेबंदीआं दे वड्डे आगूआं दे नावां पिच्छे जात-गोत दीआं लंमीआं पूछां पड़्हन-सुणन नूं आम मिलणगीआं। क्रिपानधारीआं नूं इहनां पूछां दी बिलकुल्ल आगिआ नहीं, पर कमाल इह है कि उन्हां दा इहनां बिना सरदा ही नहीं। इहनां पूछां नूं लाहे बगैर बराबरी दे संकलप नूं अमल विच लिआउण बारे सोचिआ ही नहीं जा सकदा। सोचणा तां ही संभव है जे वड्डे नेता इहनां नूं लाहुण बारे सोचण।

फेर सच्च ते झूठ विचों इक नाल दोसती वी नहीं पई। जे पैणी ही होवे तां सच्च नाल पैणी चाहीदी है, पर झूठ कदे पिच्छा छड्डण लई तिआर नहीं होइआ। इवें ही बेईमानी ते ईमानदारी दा मामला है, जिन्हां विचों बेईमानी नाल रिशता रख्खिआ ही नहीं जा सकदा। भ्रिशटचार दे प्रछावें हेठों वी नहीं लंघणा चाहीदा, पर कोई वी कहि नहीं सकदा कि उह कदे वी इस दे प्रछावें हेठों नहीं लंघदा? शाइद नहीं। इन्हां सारीआं अलामतां ने गुरू वालिआं दा साथ नहीं छड्डिआ।

जे एदां है तां 'गुरू दे नाल' कित्थे ते किवें होए? गुरू दे नाल होणा आसान नहीं। जिहड़े अजे वी सच्च लई आपणे गुरू लई आपणा सारा कुझ्झ निशावर करन वासते तिआर हुंदे हन, केवल उन्हां नूं ही इह अधिकार हो सकदा है कि 'गुरू नाल' होणा आख सकण। जिहड़े अजे तक्क मोटीआं-मोटीआं अलामतां नूं ही नहीं छड्ड सके , उह गुरू दे शबदी गिआन अते रूहानी अनुभव तक्क तां कदे वी नहीं पहुंच सकदे । गुरू दीआं गल्लां मन्ने बिना उस दे नाल नहीं तुरिआ जा सकदा। फेर असीं केवल बोलां विचों ही किउं आखी जांदे हां 'गुरू दे नाल'? निमरता नेड़े नहीं आउण दिंदे, हंकार दा टिल्ला नहीं ढाहुंदे, फेर वी गुरू अग्गे झूठ बोलणों नहीं हटदे।

निमरता नेड़े आउण ना देईए,
ना हंकार दा भांडा भन्नीए
गुरू दे नाल किउं कही जाईए,
जद गुरू दी इक ना मन्नीएं?

2 December 2008