''अज्ज मैनूं पूरे पंदरां साल हो गए ने कनेडा आई नूं।" बिंदी ने बरैड्डां वाली टरे ओवन विच्चों कढ्ढदी ने आखिआ।

''इहनां पंदर्हां सालां विच तूं पंजाब किन्नी वारी गई एं?" बेकरी विच नाल ही कंम करदी गिंदर ने पुछ्छिआ।

''पहिलां तां हर साल ही दौड़ जांदी सी, विआह कराउण दे चाअ नाल, पर विआह विचारी दा अजे तक्क नहीं होइआ।" इह कहि के कोल खलोती निंमो खिड़ खिड़ा के हस्स पई।

निंमो दा हासा सुण के बिंदी दा दिल करे कि 'बन्नां' नाल भरी टरे ही उस दे सिर विच मारे। फिर वी आपणे गुस्से नूं लुकाउंदी होई उह चुप्प रही।

बिंदी जदों पंजाब आपणे मां बाप कोल विआह करवाउण जांदी, उह इक दो साल होर उडीक करन लई कहि दिंदे। बिंदी बहुत ही साऊ कुड़ी होण कारन मन्न जांदी। जदों उस दे मासी मासड़ जी कनेडा आपणे पुत्त कोल आए सन, उस नूं वी आपणी धी बणा के नाल लै आए सन। बहुत चिर बिंदी आपणे मासी मासड़ नूं ही मंमी डैडी दस्सदी रही। हौली हौली सभ नूं पता लग्ग गिआ सी कि उस दे मां बाप पंजाब विच ही हन।

बहुत देर तों बिंदी दो दो शिफटां कंम कर रही सी। आपणे खरचे जोगे पैसे कोल रक्ख के बाकी मां-बाप नूं भेज देंदी। पहिलां मासी मासड़ कोल रहिण करके खरचा वी बहुता नहीं सी हुंदा। पिछले साल तों ही किसे कुड़ी नाल बेसमैंट विच रहिण लग्ग पई। जदों बिंदी दी मां नूं इस बारे पता लग्गा तां कहिण लग्गी, ''बिंदी, मिट्ठी पिआरी हो के मासी विच ही रही जांदी, तेरे पैसे तां बचे रहिंदे?"

''बीबी, मैं तहानूं अग्गे वी दस्सिआ सी कि मासड़ जी आपणे भतीजे दे रिशते नूं कहिंदे आ?"

''पुत्त, लारे ला के आपणा मतलब कढ्ढीदा ऐ।"

''मेरे कोलों इस तर्हां नहीं हुंदा।"

''अच्छा, चल्ल छड्ड मासड़ नूं; असीं तेरे लई डाकटर जां वकील मुंडा लभ्भांगे। ऐतकीं पैसे छेती भेज दईं, तेरे वीरे जिदूं नूं पड़्हन लई होसटल विच पाउणा आ।"

बिंदी बीबी धी बण के जिवें उस दे मां पिओ आखदे, करी जांदी। शिफटां विच कंम कर के उह पैसे लगातार आपणे मापिआं नूं भेजी गई, जिन्हां नाल उन्हां ने पिंड विच सुहणा घर बणा लिआ, टरैकटर आ गिआ। भरा होसटल विच पड़्हदा घट्ट ते मौज मसती ज़िआदा करदा। अजे वी बिंदी आपणे नालों आपणे मापिआं दा फिकर वद्ध करदी। पर जदों उस नाल कंम करदीआं कुड़ीआं इक दूजी नूं गुझ्झीआं टिच्चरां करदीआं तां उस दा दिल वी विआह करवाउण नूं करदा। गिंदर उस दा मूंह देख के इह भेद समझ जांदी ते कहि देंदी, ''बिंदी, आपणे घरदिआं तों विआह दी आस लाह छड्ड। उहनां नूं तां तूं सोने दा आंडा देण वाली मुरगी एं। उहनां सहिजे कीते तेरा विआह ना कीता।"

''मैं तां इहनूं बथेरा किहा, निंमो ने आपणा दाअ दस्सिआ, ''मेरा भरा पंजाब तों मंगा ला, असीं रल मिल के तुहानूं घर लै देवांगे। तुसीं ऐश करिउ। पर इह कन्न ही नहीं धरदी। मापिआं दी आस ते बैठी ने बुढ्ढी हो जाणा।"

''दीदी, तुसीं मेरे घरदिआं दे खिलाफ़ कोई गल्ल ना करिआ करो। कदी मापे वी कुमापे हो सकदे आ?"

इक होर कुड़ी बोली, ''भोलीए भैण मेरीए, इह कल्लयुग आ। मतलब दी खातर बथेरे मापे कुमापे हुंदे देखे आ।"

''अग्गे तां सहुरे नूंहां दे दाज दे लालची सुणदे सां, हुण कई मापे धीआं दी कमाई दे लालची हो गए आ।" निंमो ने आपणी राए दस्सी।

बिंदी उहनां दीआं गल्लां अणसुणीआं कर के लगातार कंम करी गई अते कमाई मापिआं नूं भेजी गई। इक दिन उहने आपणी मां नूं पुच्छ लिआ, ''बीबी, तुसीं मेरे विआह बारे कुझ्झ सोचिआ? जां फिर मैनूं आप ही ...।"

मां ने पूरी गल्ल सुणन तों पहिलां ही कहि दित्ता, ''ना ना पुत्त! चंगे घरां दीआं कुड़ीआं इस तर्हां दीआं गल्लां नहीं करदीआं हुंदीआं। तेरा विआह असीं गज्ज वज्ज के करांगे। बस्स, धीरज रक्ख जरा।"

धीरज रक्खदी बिंदी कंम तों छुट्टी वी घट्ट ही करदी। समें अते थकावट ने उसदे चिहरे 'ते पहिलां वाली टहिक नहीं सी रहिण दित्ती। उस दीआं अक्खां दुआले काले घेरे दिसण लग्ग पए सन अते मूंह उप्पर छाईआं वी। घरदिआं दे वतीरे तों बिंदी नूं इंझ लगदा जिवें उहनां नूं उस दे विआह दा कोई फिकर ही ना होवे। नाल कंम करदीआं कुड़ीआं दीआं गल्लां उस नूं सच्चीआं जापण लग्गदीआं।

अज्ज बिंदी अजे कंम 'ते पहुंची ही सी कि जांदी नूं गिंदर कहिण लग्गी, ''तैनूं आखरी वार रिशते लई कहिण लग्गी आं। मेरी भूआ दा मुंडा रफिऊज़ी आइआ ए। बहुत ही चंगा आ। इक वारी निगाह तां मार लै।"

''अच्छा, चल्ल कर लै गल्ल आपणी भूआ दे मुंडे नाल।" पता नहीं बिंदी दे मूंहों किवें निकल गिआ। जां फिर उस दी ढलदी उमर आप ही बोल उट्ठी, ''ऐतकीं तूं विचोलण बण ही जा।"

''तूं विचोलण बणाउण वाली तां बण।" गिंदर ने सोटी थां ते वज्जी देख के किहा, ''तूं दस्स, कदों मिलावां आपणे हीरे वरगे भरा नाल?"

''आउंदे वीकऐंड ते कर लईए मुलाकात?"

''ठीक आ, तूं इक कु वजे साडे घर आ जावीं।"

''मैं तेरे घर नहीं आउणा, तूं उस नूं लै के मेरी बेसमैंट विच इक वजे आ जावीं।"

''चल्ल, असीं आ जावांगे," गिंदर हर गल्ल खुशी नाल मन्न रही सी तां जो उस दी भूआ दा पुत्त किसे तर्हां 'फरी' हो जावे।

ऐतवार नूं गिंदर मुंडे नूं नाल लै के बिंदी दी बेसमैंट ते जा पुज्जी।

बिंदी दे नाल रहिंदी कुड़ी ने दरवाज़ा खोल्हिआ। कमरे तों बाहर आ के बिंदी ने संगदी होई ने सति स्री अकाल बुलाई। मुंडा बिंदी नूं बणदा-तणदा लग्गिआ। समोसे अते बरफी दीआं पलेटां मेज़ उप्पर रक्ख के बिंदी कुरसी ते बैठ गई। गिंदर ने गल्ल तोरी, ''भाई, हुण मैं तुहानूं आहमणे-साहमणे कर दित्ता है। तुसीं आप ही इक दूजे बारे पुच्छ-पड़ताल कर लवो।"

''तुसीं किहड़े कालज विच पड़्हे हो?" मुंडे ने सवाल कीता।

''मै तां दसवीं तक्क ही पड़्ही हां।"

रसमी गल्लांबातां तों बाअद पता लग्गा कि मुंडा तिन्न साल बिंदी तों छोटा सी। बिंदी चाह पाणी पीण तों बाअद जूठे भांडे चुक्क के किचन विच चली गई। उस दे जाण तों बाअद मुंडे ने हौली जिही गिंदर नूं किहा, ''भैण, कुड़ी तां ठीक ही आ, जिन्नी उमर तूं दस्सदी हैं, उस तों वी इह काफी वड्डी लग्गदी है।"

''तूं उमर देखणी है, जां इत्थे पक्का होणा आ।"

''इह वी ठीक आ भैण। फिर तूं करदे हां। बाकी बाअद विच देखी जाऊगी।"

जदों बिंदी भांडे किचन विच रक्ख के मुड़ी तां गिंदर ने उस नूं दस्सिआ, ''कुक्कू कहिंदा है कि उस लई तां सभ ठीक है, हुण तूं दस्स।"

''मैनूं इक वारी इंडीआ नूं फोन करना पैणा आ।"

''हां भाई, तूं आपणे मापिआं नूं फोन कर देवीं। उह भूआ दे पिंड जा के आपणी तसल्ली कर लैण।"

''तसल्ली दी तां कोई गल्ल नहीं, मेरा मतलब आ पई इक वारी ....।"

''मैं समझ गई तेरी गल्ल," गिंदर ने विचों ही टोकदे किहा, ''इद्दां दे कंमां विच मापिआं दी सलाह वी लैणी ही चाहीदी आ।--- सलाह कर के सानूं छेती दस्स देवीं।"

जदों बिंदी ने घर फोन कीता तां घरदिआं दा जवाब सी, ''असीं तां शहिर कोठी बणाउणी शुरू कीती होई है। साडा खिआल सी कि कोठी पूरी होण तों बाअद असीं तेरे लई वधीआ रिशता लभ्भ के नवीं कोठी विच तेरा विआह करांगे।"

इह गल्ल सुण के बिंदी नूं इन्ना गुस्सा आइआ कि उस ने इह कहिंदिआं, ''कोई नहीं, तुसीं आपणी कोठी पूरी कर लउ, बाकी गल्ल मैं फिर कदे कर लवांगी।" फोन रक्ख दित्ता ते गिंदर नूं आख दित्ता कि घरदिआं वलों रज़ामंदी मिल गई है।

अन्न्हां की भाले? दो अक्खां। गिंदर ने महीने दे अंदर ही नट्ठ-भज्ज करके दो चार बंदे गुरदुआरे सद्द के बिंदी अते कुक्कू दा विआह करवा दित्ता।

समां सुहणा बीतण लग्गा। पर जिउं ही कुक्कू पक्का होइआ तिउं ही उस दे तेवर बदलण लग्गे। तिन्न साल वड्डी बिंदी उस नूं दस्स साल वड्डी लग्गण लग्ग पई। बिंदी बाहर कंम करके आ के घर दा वी सारा कंम करदी। कुक्कू पाणी दा गिलास वी आप भर के ना पींदा; बिंदी उत्ते हुकम चाड़्हदा। पर बिंदी फिर वी आपणा घर वसदा रक्खण लई धक्के-धोड़े सहिंदी रही।

कुक्कू ने बिंदी नूं तलाक दे के पंजाब तों हलकी जिही सुहणी सुनक्खी कुड़ी लै आउण दा मन बणा लिआ। बिंदी नाल इट्ट-खड़िका रक्खण लग्गा। बिंदी ने कुक्कू दे बदले होए रवइ्इीए बारे गिंदर नूं दस्सिआ। गिंदर, जिहड़ी पहिलां ही सभ कुझ जाणदी सी, बोली, ''भाई, मैं हुण की कर सकदी हां। इह तां कुक्कू दी मरज़ी है कि उस ने की करना है।"

इह सुण के बिंदी नूं गुस्सा चड़्ह गिआ। भरी-पीती गिंदर नूं कहिण लग्गी, ''जदों भरा नूं पक्का करवाउणा सी, उदों किहदी मरज़ी चल्ली सी?"

''शुकर कर, तेरा संजोग तां मैं बणा'ता। नहीं तां दस्स तेरे अद्ध-बुढ्ढ नाल कोई होर विआह करवाउण लई तिआर सी?"

''हुण तैनूं अद्ध-बुढ्ढ दिसण लग्ग पई? जदों मेरे मगर मगर रिशते लई फिरदी सी, चेता भुल्ल गई?"

''तूं हैं जिउं हूर-परी, तेरे मगर फिरदी सां मैं। मूंह ना मत्था, जिन्न पहाड़ों लत्था।"

गल्ल बणन दी थां सगों होर विगड़ गई। कुक्कू, बिंदी वाली बेसमैंट छड्ड के किते होर चला गिआ। बिंदी नूं कुझ समझ ना लग्गे कि उह आपणी मदद लई किस नूं अवाज़ मारे। कंम ते जाण नूं वी उस दा दिल ना करे।

कदे बिंदी सोचदी जे मासी दा दस्सिआ रिशता कर लैंदी तां शाइद इह दिन ना देखणे पैंदे। मासी वी उस नाल इस करके ही गुस्से होई सी। मापिआं नाल उस दी उदों दी टुट्ट गई सी, जदों उस ने दस्सिआ सी कि उस ने विआह करवा लिआ। गुस्से विच लाल पीले होए पिओ ने कहि दित्ता सी, ''अज्ज तों तूं साडे लई मर गई अते असीं तेरे लई।"

इन्हां सोचां घिरी बिंदी ने कई दिन रोंदी कुरलाउंदी ने कढ्ढे। घरों बाहर ही ना निकली।

साहमणे घर वाली बेसमैंट विच फिजी तों आई कुशल्लिआ आंटी बिंदी नूं जांदी आउंदी मिल पैंदी। इक दूजी नूं हाए-बाए वी कर लैंदीआं। जदों कई दिन बिंदी ना दिसी तां कुशल्लिआ ने आ बेसमैंट दा दरवाज़ा खड़काइआ। बिंदी सोफे तों उट्ठ के मसीं दरवाजे तक गई। कुशल्लिआ आंटी नूं साहमणे देख के बिंदी उसदे गळ लग्ग के उच्ची उच्ची रोण लग्ग पई।

''बात तो बता किआ हूई?" आंटी उस दी पिट्ठ पलोसदी होई बोली, ''एक तो येह कंटरी वी ऐसा है कि किसी के पास दूसरे के लीए समां ही नहीं है। रो मत, मुझे बात, बता।"

बिंदी फिर वी डुसकदी रही।

''यहां तो किसी के घर किआ हो रहा है, पड़ोस तक खबर नहीं होती," आंटी फिर आप ही बोली, ''जब पुलीस का गाडी शोर मचाता आता है, तब ही पता चलता है।"

जदों बिंदी दा रोणा थंम्हिआ तां उस ने आपणी दुक्ख भरी कहाणी आंटी नूं दस्सी। आंटी ने उस नूं आपणे गळ्ळ नाल ला लिआ। उस वेले बिंदी नूं आंटी डुब्बदे नूं तिनके दा सहारा जापी।

हौली हौली दोनों आपस विच एनीआं हेल-मेल हो गईआं कि मां धी दी तर्हां रहिण लग्गीआं। दोवां ने सलाह करके इक सांझी बेसमैंट किराए ते लै लई। बिंदी दा मुड़ बेकरी विच कंम करन नूं दिल ना कीता। आंटी ने आपणे नाल ही उस नूं कंम ते रखा लिआ। कलासां विच्च जा के सिक्खी इंगलिश दा बिंदी नूं इस कंम उप्पर बहुत लाभ होइआ। कंम उते गोरे गोरीआं ही कंम करदे होण कारन बिंदी खुल्ल्हा खुल्ल्हा माहौल महिसूस करदी। जौहन नाल तां उह ज़िआदा ही घुलमिल गई। कंम तों कई वारी उहनां नूं उह राईड दे दिंदा।

बिंदी जदों कदी किसे पारटी विच जांदी तां उस नूं लग्गदा जिवें लोकीं उस वल्ल उंगलां कर कर गल्लां कर रहे होण। कई पंजाबी मरद उस वल इंज देखदे जिवें उस दी कोई इज़्ज़त ही ना होवे।

बिंदी इह सारीआं गल्लां जौहन नाल कर लैंदी। जौहन उस नूं पूरी इज़्ज़त दिंदा। बिंदी हुण आपणा बहुता समां जौहन नाल ही बिताउण लग्गी।

कुशल्लिआ आंटी इह सभ देख के खुश हुंदी। पर बिंदी, समाज तों डरदी आंटी नाल गल्ल करदी, ''आंटी, गोरे के साथ मुझे देख कर, अब तो आपणे लोक मैनूं बिलकुल पसंद नहीं करदे होणगे?"

''अपने लोगों ने तुझे दीआ ही किआ है?" आंटी बोली, ''जब तू मुसीबत मे थी तो किसी ने दीआ तेरा साथ? अब तू अपने लोगों के बारे मे किउं सोचती है? जौहन गोरा है, पर तेरा कितना खिआल करता है।"

''आंटी, येह तो मैं भी जानती हूं।"

''जौहन बहुत देर से मेरे साथ काम कर रहा है। अच्छा है, उस की बीवी उस को छोड़ कर किसी के साथ भाग गई।"

''हां, बताइआ था उस ने।"

कुक्कू ने पहिलां जदों बिंदी नूं तलाक दे पेपर भेजे सन तां बिंदी ने दसख़त नहीं सन कीते। हुण बिंदी ने आप दसख़त करके पेपर कुक्कू नूं भेज दित्ते। उस नूं लग्गा जिवें उस ने कुक्कू दे मूंह उत्ते चुपेड़ मारी होवे।

जौहन नूं बिंदी दे जनमदिन दा पता नहीं किवें पता लग्गा, उह बिंदी लई फुल्लां दा गुलदसता लै के उसदे घर पहुंच गिआ। जदों उस ने बिंदी नूं 'हैपी बरथडे टू यू' किहा तां बिंदी दीआं अक्खां विच खुशी दे हंझू आ गए। ज़िंदगी विच पहिली वारी कोई उस दा जनमदिन मना रिहा सी। आंटी तों पुच्छ के जौहन बिंदी नूं बाहर खाणे ते लै गिआ।

बिंदी जदों घर आई, आंटी ने उस नूं सिद्धा कहि दित्ता, ''जौहन के साथ शादी रचा लो।"

''आंटी, किआ हो गिआ है आप को?"

''मै ठीक कहिती हूं, अब तुझ से अपना तो कोई शादी करेगा नहीं।"

''जौहन करेगा?" हस्सदी होई बिंदी ने किहा।

''इस के बारे मे मैने उस से बात कर रक्खी है।"

''उह मेरे नाल किउं विआह करेगा।"

''वोह बोलता है कि इंडीअन बीवी खाना बहुत अच्छा बनाता है। किचन का सभ काम अकेले ही कर लेता है। पती की इज़्ज़त भी बहुत करता है।"

बिंदी इह गल्लां सुण के शरमा गई।

आंटी ने पता नहीं जौहन नाल की गल्ल कीती, उस ने सवेरे ही बेसमैंट दा दरवाज़ा आ खड़काइआ। बिंदी ने दरवाज़ा खोल्हिआ तां उह बिंदी दे पैरां विच गोडिआं भार हुंदा होइआ इक मुंदी आपणी जेब विच्चों कढ्ढ के बोलिआ, ''विल्ल जू मैरी मी?"

''यैस्स!" बिंदी ने उत्तर दित्ता।

जौहन ने मुंदी बिंदी दी उंगल विच पा दित्ती। कोल खड़्ही आंटी ने दोवां नूं आपणीआं बाहां विच लै लिआ।

जौहन नाल विआह करवाउण पिच्छों इक दिन बिंदी जौहन नूं आपणे नाल लै के आपणे पुराणे कंम ते गई। जौहन दा हत्थ फड़ के कुड़ीआं दे साहमणे दी लंघी तां सारीआं देखदीआं रहि गईआं। गिंदर बोल उट्ठी, ''हाअ नी, इहने गोरे नाल विआह करवा लिआ।"

''हां, करवा लिआ। तूं दस्स तैनूं की तकलीफ आ? तेरे भरा वांग किसे मतलब लई नहीं करवाइआ।" इह कहि के बिंदी अगांह तुर पई।

इक कुड़ी बोली, ''कुड़े, गोरा वी देख किद्दां दा लभ्भिआ।"

दूजी बोली, ''हुण तां आप वी बथेरी निक्खरी फिरदी आ।"

इह गल्लां सुण बिंदी नूं लग्गा, जिस मकसद लई उह जौहन नूं आपणे नाल लै के आई सी, उह पूरा हो गिआ सी।

पिच्छों इक होर अवाज़ आई, ''हाअ कुड़े, गोरे नाल किउं चली गई?"

बिंदी ने इस अवाज़ दी कोई परवाह ना कीती। जौहन दी बांह विच बांह पाई उह बेकरी विच्चों बाहर निकल गई।

०००००

(14 December 2008)