कैनेडा
दा वीज़ा जां इमीग्रेशन लैण लई लोकां वल्लों कई तर्हां दे हत्थकंडे
वरते जाण दीआं कहाणीआं अकसर ही साहमणे आउंदीआं रहिंदीआं हन।
इमीग्रेशन विभाग दे कनूंनी कागज़ां पत्तरां दे ढिड्ड भरन लई लोकां
वल्लों की कुझ कीता जांदा है, इह इक लंबी फहिरिशत है। पर इस दौरान
जिवें समाजिक ते पवित्तर रिशतिआं दा घाण कीता जांदा है, उहनां
कहाणीआं नूं सुणके जां जाणके सभिअता शरम नाल झुक जांदी है। ऐन आर
आई सरोकार दे पिछले अंक विच असीं वैनकूवर दे इक नौजवान नाल पंजाबी
मुटिआर वल्लों कीती गई धोखादेही दी कहाणी नूं पाठकां दे रूबरू कीता
सी। इस वार साडे कोल कैलगरी दी इक मुटिआर ने हड्डबीती सुणाई है कि
किवें उसदे पती वल्लों केवल इमीग्रेशन दी प्रापती लई उसनूं इसतेमाल
कीता गिआ ते फिर उसनूं दुतकार दित्ता गिआ। इह कहाणी है नीलम राणी
परमार दी। नीलम राणी दस्सदी है कि उसने ज़िंदगी विच इक वार लुटाई
खाण उपरंत दूसरी थां इस लई शादी करवाई सी कि उसदी ज़िंदगी विच
बहारां परत आउणगीआं। उह सोहणी ते सुखदाई परिवारक ज़िंदगी दी हमसफर
बणेगी। पर उसदीआं रीझां दीआं कचूर लगरां उस वेले तरुंडीआं गईआं
जदों उस नाल लावां लैण वाला ते उसदे बेटे दा बाप बणन वाला विअकती
झूठा, फरेबी ते दगाबाज़ निकलिआ। उसने तां इह कदी सोचिआ वी नहीं सी
कि उसदे बेटे दा बाप केवल कैनेडीअन इमीग्रेशन तक्क ही उस नाल
ज़िंदगी दा साथ भालदा सी। नीलम नूं आपणे नाल होई बीती 'ते अजे तक्क
वी विशवास नहीं आ रिहा। इतना कुझ होण दे बावजूद वी उह इक झूठी
तसल्ली आपणे मन नूं वार वार दिंदी है कि उसदा पती उसदे बेटे दे
पिआर दी खातर घर नूं परत आवेगा पर इह शाइद उसदा भरम ही है.......
अक्खीआं
दे सावण नूं सांभण दी कोशिश करदी नीलम दस्सदी है कि उह कैनेडीअन
सिटीज़न है। उसदी ज़िंदगी विच पहिलां इक तूफान आइआ सी जिसनूं भुल्ल
जाण दे मकसद नाल उसने दूसरी शादी रचाउण दी सोची सी। कुझ सांझे
दोसतां राहीं उसदी मुलाकात प्रितपाल नांअ दे विअकती नाल होई सी।
उसदा वी तलाक हो चुक्का सी। प्रितपाल काफी समां अमरीका रहि चुक्का
सी पर उसनूं अमरीका दी इमीग्रेशन नहीं सी मिली। उह प्रितपाल नूं
फिलाडैलफीआ विखे मिली। उहनां ने आपसी रिशता जोड़न तों पहिलां पिछली
ज़िंदगी बारे हर गल्ल सांझी कीती। दोवां ने पिछले उतरा चड़ाअ नूं
किसमत दा इक खेल जाणके नवीं ज़िंदगी दी बात पाउण बारे इक दूजे नाल
वाअदा कीता। नीलम दस्सदी है कि उहनां दी शादी दिल्ली विखे होई जिस
'ते नीलम दे परिवार ने हज़ारां डालर खरच कीते। शादी उपरंत दोवें जणे
दिल्ली विखे कुझ समां रहे, जिस दौरान उह गरभवती हो गई। नीलम ने
आपणे नवें संसार दी सिरजणा बारे सोच के कई खाब वेखे । उह कैलगरी
वापिस आ गई ते विधी मुताबिक आपणे पती दे वीज़े लई अपलाई कर दित्ता।
कैलगरी विखे उसदे पती दे दूसरे परिवारक मैंबर वी रहिंदे सन जिहनां
नूं उसने आपणे सहुरे परिवार वजों हर तरा्हं दा माण सतिकार देण दी
कोशिश कीती । पर सहुरा परिवार जिस विच सस्स अते नणदां शामिल सन, ने
कदे वी उसनूं चंगा ना चाहिआ। उसने सहुरा परिवार दे विवहार बारे
अकसर आपणे पती नाल ज़िकर कीता पर उह धरवास दिंदा कि उसदे कैनेडा आउण
नाल सभ ठीक हो जावेगा। इसे दौरान उसने आपणे गरभवती होण बारे डाकटरी
रिपोरट सहित इमीग्रेशन विभाग कोल आपणे पती नूं जलदी वीज़ा देण दी
अपील कीती। नीलम दे विहड़े उस वेले खुशीआं नच्च उठीआं जदों उसदे घर
22 सतंबर 2004 नूं बेटे ने जनम लिआ। उह आपणे पती दी बेसबरी नाल
उडीक कर रही सी कि इक दिन उह समां वी आइआ कि पती देव कैनेडा पुज्ज
गए। उह सोचदी सी कि उह आपणे पती ते बेटे नाल आपणा संसार वसाएगी पर
पती देव ने उसनूं इह कहि के चारे खानिउं चित्त कर दित्ता कि उह उस
नाल रहिणा नहीं चाहुंदा सगों तलाक चाहुंदा है। पती दी इस सुन्न कर
देण वाली मंग बारे उसने आपणे मापिआं नूं दस्सिआ पर किसे ने वी उसते
इतबार ना कीता। हर इक दा विचार सी कि तूं उसदे बच्चे दी मां हैं,
हुण तैनूं ते तेरे बच्चे नूं छड्डके उह कित्थे जावेगा। पर प्रितपाल
ने नीलम नूं सपश्शट कर दित्ता कि उसदा उस नाल ते उसदे बेटे नाल कोई
सबंध नहीं। उसने तां शादी केवल कैनेडा दी इमीग्रशन लैण वासते कीती
सी। आपणे पती दी इह गल्ल सुणके उह हैरान सी कि उस नाल ज़िंदगी भर
साथ निभाउण दे वाअदे करन वाला शखस आखर इन्ना बदल किवें गिआ। पती
वल्लों तलाक दी मंग करन दे बावजूद वी उह आपणे बेटे नाल पती दे घर
टिकी रही कि शाइद उस लई नहीं तां उसदे बेटे लई ही उसदे मन विच पिआर
जाग पवे। पर उसदा विहार दिन बदिन करूर हुंदा गिआ। पती देव ने उसनूं
घरों कढ्ढण लई जिसमानी तशद्दद वी करना शुरू कर दित्ता ते आखर नीलम
नूं घर छड्डण लई मज़बूर कर दित्ता गिआ। नीलम आखदी है कि उसनूं यकीन
नहीं आ रिहा कि उह ते उसदा फुल्ल भर बेटा घरों बेघर कर दित्ते गए
हां। नीलम नूं पता लग्गा है कि उसदा पती हुण नवां विआह करवाउण दी
तिआरी कर रिहा है ते बेबस्स नीलम इमीग्रेशन विभाग कोल शिकाइत तों
सिवाए कुझ नहीं कर पा रही। नीलम दा कहिणा है कि जिस विअकती ने
कैनेडीअन वीज़ा लैण लई उस नाल विआह करवाइआ ते इस विआह नूं जाइज़
ठहिराउण लई उसनूं गरभवती बणाइआ ते फिर वीज़ा मिलण 'ते ठुकरा दित्ता,
अजिहे विअकती दे माड़े इरादिआं नूं हर हालत ठल्ल्ह पैणी चाहीदी है।
जिस विअकती ने इक मां ते बेटे दी ज़िंदगी नूं हनेरी गुफा वल्ल धकेल
दित्ता उसनूं उह ज़िंदगी 'च किवें मुआफ कर सकेगी।
(Courtsey : Fraudmarriage.com)
2 December 2008
