-ਕਵਿਤਾਵਾਂ-

ਨਵਾਂ ਸਾਲ
-ਸਾਥੀ ਲੁਧਿਆਣਵੀ,ਲੰਡਨ-

ਹੌਲੀ ਹੌਲੀ ਦੇਖ਼ੋ ਨਵਾਂ ਸਾਲ ਆ ਗਿਆ।
ਇੰਝ ਲੱਗੇ ਜਿਵੇਂ ਨਵਾਂ ਬਾਲ ਆ ਗਿਆ।

=ਨਵਾਂ ਸਾਲ ਕੀ ਕੀ ਰੰਗ ਲੈਕੇ ਆਵੇਗਾ,
ਸਾਡੇ ਸਾਹਵੇਂ ਅੱਜ ਇਹ ਸਵਾਲ ਆ ਗਿਆ।

=ਠੰਡੀ ਠੰਡੀ ਰੁੱਤ ਤੇ ਪਿਆਰਾਂ ਦਾ ਮਹੌਲ,
ਪੌਣਾਂ ਵਿਚ ਘੁਲ਼ ਕੇ ਗੁਲਾਲ ਆ ਗਿਆ।

=ਯਾਰਾਂ ਮਿੱਤਰਾਂ ਨੇ ਭੇਜੇ ਤੋਹਫ਼ੇ ਨੇ ਹਜ਼ਾਰ,
ਸੱਜਣਾ ਦਾ ਭੇਜਿਆ ਰੁਮਾਲ ਆ ਗਿਆ।

=ਹੱਸਦੇ ਤੇ ਗਾਉਂਦੇ ਕੱਠੇ ਗੋਰੇ ਕਾਲ਼ੇ ਨੇ,
ਇਨਾ੍ਹਂ ਵਿਚ ਕਿੰਨਾ ਸੁਰਤਾਲ ਆ ਗਿਆ।

=ਛੰਮ ਛੰਮ ਰੋਣ ਲੱਗ ਪਈਆਂ ਅੱਖ਼ੀਆ,
ਬੈਠੇ ਬੈਠੇ ਕਿਸੇ ਦਾ ਖ਼ਿਆਲ ਆ ਗਿਆ।

=ਜਿਹੜੇ ਲੋਕੀਂ ਦੁਖ਼ੀ ਅਤੇ ਗ਼ਮਜ਼ਦਾ ਨੇ,
ਉਨ੍ਹਾਂ ਦਾ ਵੀ ਸਾਨੂੰ ਹੈ ਖ਼ਿਆਲ ਆ ਗਿਆ।

=ਗੁੱਡ ਬਾਈ ਕਹੀ ਅਸਾਂ ਬੀਤੇ ਸਾਲ ਨੂੰ,
ਚੰਗੇ ਬੀਤੇ ਪਲਾਂ ਦਾ ਮਲਾਲ ਆ ਗਿਆ।

=ਨਵਾਂ ਸਾਲ ''ਸਾਥੀ'' ਲੈਕੇ ਆਊ ਸੁਖ਼ ਸਾਂਦ,
ਲੈਕੇ ਇਹ ਸੁਨੇਹਾ ਨਵਾਂ ਸਾਲ ਆ ਗਿਆ।
***
E Mail sathiludhianvi@hotmail.com
 

(25 ਦਸੰਬਰ 2008)

ਸਾਥੀ ਲੁਧਿਆਣਵੀ ਦੀਆਂ ਲਿਖਾਰੀ ਵਿੱਚ ਛਪੀਆਂ ਸਾਰੀਆਂ ਲਿਖਤਾਂ ਪੜ੍ਹਂ ਲਈ ਕਲਿੱਕ ਕਰੋ