अहिंसा अते हिंसा ग़रीब श्रेणी दी होणी नाल जुड़े होए हन।
देखणा इह है कि ग़रीब श्रेणी दी उनती लई समाज तबदीली वासते
किहड़ी नीती योग हो सकदी है?
दुनीआ दी अबादी दा बहुता हिस्सा ग़रीबी दी रेखा तों थल्ले
दिन कटी कर रिहा है। विशव बैंक दी रिपोरट अनुसार दुनीआ दी
छे अरब अबादी दा तकरीबन अद्धा हिस्सा ग़रीबी दे घोळ विच्च
घुळ रिहा है। अत्त दी ग़रीबी विकासशील-देशां विच्च है।
इन्हां देशां दी अबादी दुनीआ दी अबादी दा 4/5 भाग है।
दुनीआ विच्च बच्चिआं दी कुल अबादी दा अद्धा हिस्सा भुक्ख,
नंग अते बीमारी दा शिकार है। हरेक सकिंट विच्च इक्क ग़रीब
दी मौत हो जांदी है। सिर ढक्कण नूं घर नहीं। दो वेले दी
रोटी नसीब नहीं। घरां विच्च बीमारी दा भिआनक रूप है।
सड़ांहद भरे वातावरन विच्च इहनां ग़रीबां दी गुज़रान है।
सरदीआं गरमीआं नीली छत्त थल्ले लंघदीआं हन। कुदरत दे
मौसमां दी करोपी अलग्ग बात पाउंदी है। सकूली पड़्हाई,
दवाईआं, पाणी, सफ़ाई आदि दा तां रब्ब ही राखा!
भला अजिहे मसीबत मारे सरवहारे (परालीटैरीएट) लोकां नूं
आपणे हक्क लैण लई की हिंसावादी राह ठीक है? जे हिंसा दा
राह अपणाउंदे हन तां इह निआसरे लोक सरकारी तशद्दद दा होर
वी शिकार हो जाणगे। उहनां दी ज़िंदगी होर वी दुभ्भर हो
जाएगी। माफ़ीआ मौके दा फ़ाइदा उठाएगा। इस वासते ग़रीब जनता
वल्लों शांतमई संघरश ही कामयाब हो सकदे हन। ग़रीब वी देस दे
नागरिक हुंदे हन। एके विच्च द्रिड़्हता, उहनां दी कामयाबी
दी कुंजी है। समें दी इतिहासिक चाल नाल आपणी अवाज़ निग्गर
बणा सकदे हन अते आपणीआं आशावां लई सफल कामयाबी हासल कर
सकदे हन। सच्च, नैतकिता, सबर, सवै-कुरबानी अते अनुसाशन दी
लोड़ है। शांतमई राह ही अहिंसावाद है जिहड़ा उहनां लई मुनासब
है।
अहिंसा विशाल अरथां विच्च इक्क नीती है जिहड़ी समाजिक, आरथक
जां राजसी तबदीली लिआउण दे घोळ विच्च सरीरक हिंसा दी वरतों
नूं मूलों ही नकारदी है।
इह गल्ल वी समझ लैणी चाहीदी है कि जबर, ज़ुलम, धक्के,
अतिआचार, ज़ोरावरी वल्लों मूंह फेर लैणा अहिंसा नीती नहीं
है। चल्ल होऊ कहि के टाल देणा डरपोकपुणे दी निशानी है।
अहिंसक जान दी परवाह ना करदा बेइनसाफ़ी विरुद्ध डट्ट जांदा
है। विरोधी ख़िलाफ़ शांतमई ढंग ना घोळ करदा है। विरोधी दी
बेइनसाफ़ी ख़िलाफ़ आपणे-आप दा पुरज़ा-पुरज़ा कटवाउंदा है पर
आपणी ज़मीर नहीं वेचदा। विरोधी नाल सहियोग नहीं करदा।
बेइनसाफ़ी विरुद्ध उस दा लगातार संघरश हुंदा है।
अहिंसा दा विचार रवाइती विचार नालों बिलकुल अड्ड है।
रवाइती विचार हथिआरबंद घोळ दा सूचक है पर अहिंसा नीती
विच्च ताकत अते हथिआरबंद टक्कर दी वरतों लई कोई थां नहीं
है। हथिआरबंद घोळ दा मतलब तां ग़रीब लोकां दा कतलाम, घरों
बेघर अते ग़रीबी दी भिआनक तसवीर वधाउणा है। अहिंसा विच्च
सहिज-सहिज, शांतमई, अते आतमिक बल दुआरा घोळ हुंदा है।
अहिंसावादी नीती दीआं जुगतीआं दा मंतव सरकार नूं उकसाउणा
नहीं है। सरकार नूं ज़ुलम करन दे होर मौके देणा इस नीती दा
हिस्सा नहीं है। इह नीती लोकां नूं आपणे हक्क लैण लई शांती
दे राह दुआरा लामबंद करदी है।
अहिंसा नीती यथारथक नीती है, अमली है, किरिआतमक है। इस
नीती नूं विआपक तौर उत्ते मानता प्रापत होई है। सन्न 1989
विच्च विशव दे तेर्हां मुलकां दी कुल्ल आबादी
1,695,000,000 ने अहिंसावादी इनकलाबां दा तजरबा हासल कीता।
जे इस तजरबे विच्च फ़िलपीन, दक्खणी अफ़रीका अते भारत दी
जंगे-आज़ादी दे लोकां दी संखिआ जोड़ दित्ती जाए तां इह गिणती
करीब 3,337,400,000 बणदी है जिहड़ी सारी मनुक्खता दा करीब
65% है। इह संखिआ उस दाहवे दा वाजब जवाब है जिहड़े इह
कहिंदे हन कि यथारथक दुनीआ विच्च अहिंसा नूं कोई थां नहीं
है। अहिंसा नीती नूं लागू करन वासते ढंग, तरीके, जुगतीआं,
विओंतां, चालां आदि हालात अनुसार अनेक हो सकदे हन।
अहिंसा बलहीण नहीं है बलकि इह नीती मंग करदी है कि लोक
जिन्हां ने इह नीती अपणाउणी है, उहनां कोळ ऐडी वड्डी आतमिक
ताकत होणी चाहीदी है कि उह सरकारी दमन दा मुकाबला अहिंसक
रहि के खिड़े मत्थे बरदाशत कर सकण। उहनां दी मानसिक शकती
ऐडी वड्डी होणी चाहीदी है कि उह विरोधी नाल, दुशमण नाल,
दमनकारी नाल नफ़रत दी भावना ना लिआउण परंतू समझण कि इह वी
पूरे आदर दे हक्कदार हन। अहिंसावादी तां आतमिक, मानसिक अते
सदाचारक तौर उत्ते बहुत बलवान हुंदा है। उस अंदर ग़ुस्से दा
नां-निशन नहीं हुंदा। अहिंसावादी दुशमण नूं वी दोसत
बणाउंदा है। अहिंसावादी लई करड़े अनुशासन, समझ-सूझ, सिख्खिआ
अते धीरज दी लोड़ है। उस अंदर विरोधी दे अतिआचार सहिण लई
आतमिक बल दी बहुत लोड़ है। मानसिक द्रिड़्हता अते सच्ची लगन
अहिंसावादी दे उेत्तम गुण हन। शांत समाज सिरजण वासते हिंसा
दी वरतों मूलों ही ग़ैरवाजब है, तरकहीण है। कातल कदे शांत
समाज नहीं सिरज सकदे। विरोधी धिर नूं कदे सहिण नहीं कर
सकदे। ज़ुलम ही उहनां दा हथिआर बण जांदा है।
शासक नूं हमेशां लोक राए दी लोड़ हुंदी है। लोकां दे समरथण
तों बिनां उह राज-भाग सदा लई नहीं चला सकदा। शासक दी फौज,
शासक दी पुलिस लोकां विच्चों आउंदी है। इंतज़ामीआ मामलिआं
नूं चलाउण वासते सिआणे लोकां दी लोड़ पैंदी है। उह वी लोकां
विच्चों ही आउणे हुंदे हन। जे जनता शासक दे हुकमां नूं
मन्नदी नहीं, लागू नहीं करदी तां शासक की कर सकदा है? शासक
दुरबल हो जांदा है, लाचार हो जांदा है, निताणा हो जांदा
है। शासक दी ताकत ओदों तक्क है जदों तक्क उस दे हुकमां दी
मानता है। बस्स, अहिंसा दा मंतव है कि शासक दे बल नूं
घटाइआ जाए। अहिंसावादी जाण-बुझ्झ के शासक दे नाजाइज़ हुकमां
नूं आपणी रज़ामंदी नहीं दिंदा, सहिमती नहीं दिंदा। शासक नाल
कोई मिलवरतण नहीं करदा। शासक नूं डर पैदा हो जांदा है कि
उस दी फ़ौज अते पुलिस किते उस तों बाग़ी ना हो जाए! शासक नूं
जनता नाल मिल के चल्लणा ही पैंदा है। जनता दे हक्क जनता
नूं देणे ही पैंदे हन। समाजिक ढांचे नूं बदलणा ही पैंदा
है। दुनीआ दे राजे, महाराजे, समराट अते बादशाह किथे चले
गए? गिणती दे रहि गए हन। लोक राए साम्हणे राज भाग छड्डणा
पैंदा है। समाजिक प्रसथितीआं बदल जांदीआं हन।
'विरोधी दा आदर करना' अहिंसावादी दी बहुत वड्डी ताकत है।
इस ढंग नाल विरोधी दी बुराई विरोधी नालों अड्ड कर दित्ती
जांदी है। विरोधी अंदर इक्क मानसिकता पैदा कर दित्ती जांदी
है कि जे उह आपणे विहारां नूं बदल देवे अते नाळ ही आपणे
विशवासां नूं वी तां उह इक्क चंगा इनसान बण सकदा है अते
लोक राजी हक्कां दा समरथक बण सकदा है।
अमरीकण काळिआं दा महान नेता मारटन लूथर किंग कहिंदा है,
''अहिंसा दा मतलब सिरफ़ आपणी बाहरी सरीरक हिंसा नूं ही
रोकणा नहीं है बलकि आपणी अंदरूनी मानसिक हिंसा दी भावना
नूं वी रोकणा है। तुसीं किसे आदमी नूं गोळी मारन तों इनकार
ही नहीं करना है बलकि उस नूं नफ़रत करन तों वी इनकार करना
है।''
महातमा गांधी दे अहिंसावादी संकलप दा केंदर 'सत्ति' है,
'सच्च' है। गांधी जी सत्ति नूं बहु-पक्खी समझदे हन। किसे
इक्क वासते इस दी पूरी दी पूरी प्रापती असंभव है। सारे लोक
सच्च दे अंश रक्खदे हन। सारे लोकां नूं दुजिआं दे सच्च
जाणन दी वी लोड़ है तांकि उह आपणे सच्च दे घेरे नूं वधा
सकण। इस कारन इस धारना तों इह गल्ल वी निकलदी है कि विरोधी
दी गल्ल वी सुणी जाणी चाहीदी है। आपसी वारतालाप दे आपणे
गुण हन। इक्क दूजे नूं सुणन नाल इक्क दूजे दे मंतव समझण
विच्च मदद मिलदी है। असीं आपणी गल्ल तां ही सुणा सकदे हां
जे असीं विरोधी दी वी गल्ल सुणन लई तिआर हुंदे हां।
अहिंसा नीती दे कुझ ढंग-तरीके हन जिस अनुसार इस दा
कारज-खेतर शुरू हुंदा है। धरने, भुक्ख-हड़ताल, मोम-बत्तीआं
दी रोशनी विच्च जगराता, प्रारथना-पत्तर, कलम-छोड़ हड़ताल,
टैकसां तों इनकारी, लोक मुज़ाहरे आदि तरीके अपणा के आम आदमी
बे-इनसाफ़ी, जबर-ज़ुलम विरुद्ध आपणी अवाज़ उठाउंदा है अते
तरक्की वाले पासे समाजिक तबदीली दी मंग करदा है। इहनां सभ
तौर-तरीकिआं विच्च ज़बत दी बहुत लोड़ मन्नी गई है। सरकारी
जां ग़ैरसरकारी जाइदाद दी तोड़-भन्न अहिंसा दी नीती दा हरगिज़
हिस्सा नहीं है। जिन्नी वड्डी लोक अवाज़, ओनी वड्डी लोक
ताकत जिहड़ी समाजिक तबदीली लई शासक नूं मजबूर कर दिंदी है।
दक्खणी अफ़रीका विच्च नैलसन मंडेला अते उस दी पारटी ने
हिंसा दा राह छड्ड के अहिंसा दा राह अपणाइआ अते ओथे दी
सथानक गोरी सरकार नूं राज पलटे लई मजबूर कर दित्ता। गोरी
सरकार ने शांतमई ढंग नाल काळे लोकां नूं राज-भाग संभाल
दित्ता।
लिओ टालसटाए (रूस), लैक वालेसा (पोलैंड), पीटरा कैली
(पच्छमी जरमनी), टिक नाट हैन (वेटनाम), डोरथी डे
(यू.ऐस्स.ए), ऐमन हैनैसी (निऊ यारक), अलबरट आइनसटाइन (जरमन
जंमिआ अमरीकन), मारटन लूथर किंग (यू.ऐस्स.ए.), महातमा
गांधी (भारत), डैनीअल बैरीगन (अमरीका), बच्चा ख़ान (ख़ां
अबदुल ग़फ़ार ख़ां, सरहद्दी सूबा, पाकिसतान), सीलो
(अरजनटाईना) आदि कुझ कु नां उदाहरन वजों दित्ते जांदे हन
जिहड़े अहिंसावाद दे पक्के समरथक मन्ने जांदे हन। इहनां तों
इलावा होर वी बहुत सारे नां गिणाए जा सकदे हन।
इस नीती दे विरोधी वी हन जिहड़े इस नीती नूं निरमूल समझदे
हन। उहनां दा कहिणा है कि इह अहिंसावादी नीती बुरजूआ
(पूंजीवादी) श्रेणी दी मदद करदी है अते पूंजीपतीआं दे
सदाचारक मापदंडां नूं लागू करदी है। इह नीती इनकलाबी
तबदीली लिआउण दे काबल नहीं है। आपणे आप दी रख्खिआ करना
हरेक इनसान दा मुढला मनुक्खी-अधिकार है। इह नीती सरवहारे
लोकां दा कुझ नहीं सार सकदी। इस नीती दे समरथक हन: लिओन
टराटसकी (रूस), फ़रैटज़ फ़ैनन (करेबीअन, मानसिक चिकिसतक),
राईनहोलड नीबर (जरमन), सुभाश चंदर बोस (भारत) अते मैलकम य
(अमरीका)।
1960विआं विच्च अमरीका विच्च काळे लोकां दा आपणे लई 'सिवल
राईटस संघरश' चल्ल रिहा सी। उस समें बलैक पैंथर पारटी दे
मैंबर जारज जैकसन ने अहिंसावादी नीती नूं इक्क झूठा अदरश
किहा अते उस ने अहिंसावादी मारटन लूथर किंग दी सख़त विरोधता
कीती। एसे संघरश विच्च हिंसावादी मैलकम य वी अहिंसावादी
लीडरां नाल टकराइआ। मैलकम य ने किहा:
''जित्थों तक्क अहिंसा दा संबंध है, किसे इनसान नूं
सिख्खिआ देणी कि आपणी रख्खिआ ना करे अते लगातार वहिशीआना
हमलिआं दा शिकार बणदा रहे, इक्क अपराध है।''
परंतू मारटन लूथर किंग लगातार अहिंसावादी संघरश नाल 'सिवल
राईटस संघरश' विच्च मोहरी हिस्सा लैंदा रिहा जदों तक्क कि
उस नूं हिंसावादी लोकां ने गोलीआं मार के सदा दी नींद ना
सुला दित्ता।
अजोके समें विच्च हिंसावाद दिओ दा रूप धार चुक्किआ है।
दुनीआं जळ रही है। हर पासे जंग, जंग दे नाअरे गूंज रहे हन।
असीं सौखी तर्हां सिट्टा कढ्ढ सकदे हां कि जे इस पलैनैट्ट,
इस ग्रहि, इस धरती, इस ब्रहिमंड नूं बचाउणा है तां हिंसा
दा राह तिआगणा पैणा है। अहिंसावाद अपणाउणा पैणा है। नहीं,
दुनीआ जुआला-मुखी पहाड़ दी टीसी उत्ते इस दे मूंह विच्च
खड़्ही है। खुरा-खोज नहीं लभ्भणा! ऐटम बंब, नाईटरोजन बंब,
हाईडरोजन बंब अंगड़ाईआं भन्न रहे हन। बच्च जाओ जे बचणा!
प्रतक्ख दिखाई दे रिहा है कि दुनीआ दो धड़िआं विच्च बट्ट
रही है अते तीसरी जंग दे बद्दळां दा प्रछावां असमान विच्च
दूरबीनी नज़रां नाळ देखिआ जा सकदा है। मनुक्खता दी होणी
ख़तरे वल्ल वद्ध रही है। नुकसान किस दा होणा? लोकां दा,
ग़रीबां दा, आम आदमी दा। दब्बे-कुचले लोक होर दब्बे जाणगे।
ग़रीबी होर भिआनक रूप अख़तिआर कर जाएगी। जबर-ज़ुलम दे राज
विच्च होर वाधा हो जाएगा।
अलबरट आइनसटाइन वीहवीं सदी दा सिरमौर विगिआनी मंनिआ गिआ
है। उस नूं जदों पुछ्छिआ गिआ कि तीजी विशव जंग किवें लड़ी
जाएगी तां उस ने किहा, ''मैनूं तीजी विशव जंग बारे तां पता
नहीं पर मैं इह जाणदां कि चौथी विशव जंग डांगां-सोटिआं अते
इट्टां-वट्टिआं नाल लड़ी जाएगी।''
अहिंसावादी नीती हिंसावादी नीती नालों उत्तम नीती है। ग़रीब
पक्खी है। अमन दी नीती है। मनुक्खतावादी है। विआपक है,
समूहक है, लौकिक है अते अमली है। लोकां नूं आपणे हक्क हासल
करन नहीं अहिंसक नीती उत्ते चल्ल के लामबंद होणा चाहीदा
है। हिंसक धड़िआं दी विरोधता इक्क-जुट्ट हो के अहिंसक ढंग
नाल करनी चाहीदी है। अंदोलन विशव-रूप धारन करना चाहीदा है।
(26 September 2008)
दलजीत सिंघ, ऐडमिंटन
फ़ोन: (780) 989 2977
